ᓅᐦᑯᒻ(My Grandmother)Written by:Ruth SaltRead by:Alice Duff Sound editing by:Ruth SaltText edited by:Ruth Salt & Daisy Moore
ᐋᐅᒄ ᐆ ᑎᐹᒋᒧᐧᐃᓐ ᓅᐦᑯᒻᐋᐦ ᐋᔨᒧᒫᑭᓂᐧᐃᑦ᙮
ᓃᔮᓐ ᓂᐧᐄᒋᒫᓈᓐ ᓃᒋᓈᐦᒡ᙮
ᓂᓵᒋᐦᐋᐤ ᓅᐦᑯᒻ ᓈᔥᒡ ᒨᔥᐋᐦ ᒥᐧᔮᔨᐦᑖᑯᓯᑦ ᑭᔮᐦ ᐋᐦᐧᐄᒋᐦᐋᑦ ᐊᐧᐋᔨᐤᐦ᙮
ᓂᐧᐄᒋᐦᐄᒄ ᐋᐦ ᓂᐦᒋᓈᑯᐧᐃᒡᒑᔅᑯᑎᒫᑯᐧᐃᒡᐦ᙮
ᓅᐦᑯᒻ ᐧᐄᒋᐦᐋᐤ ᓂᑳᐧᐄᐦ ᐋᐦᐱᒥᓂᐧᐋᔨᒡᐦ ᐋᐦ ᐋᐱᐦᑖᒌᔑᑳᔨᒡ ᑭᔮᐦ ᐋᐦ ᐅᑖᑯᔑᔨᒡ᙮ ᑭᓂᐧᐋᔨᒫᐤ ᑭᔮᐦ ᓂᔒᒥᔥᐦ᙮
ᐋᑳ ᒑᔅᑯᑎᒫᑯᐧᐃᔮᓐᐦ ᓂᐧᐄᒋᐦᐋᐤ ᓅᐦᑯᒻ᙮ ᓂᐧᐄᒋᐦᐋᐤ ᐋᐦ ᐧᑳᐱᒑᑦ ᓰᐲᐦᒡ᙮
ᐋᔅᑭᐤ ᑖᔅᑭᐦᐊᒻ ᒥᐦᑦᐦ᙮ ᐋᐦᐲᐦᑎᑭᑖᐧᐃᒡ ᒥᐦᑦᐦ ᐋᔨᐧᐃᒄ ᐋᔑ ᐧᐄᒋᐦᐄᒃ᙮
ᓈᔥᑖᐧᐹᐦ ᓂᒥᐧᔮᔨᒫᐤ ᐋᐦᐧᐄᒑᐧᐃᒃ ᐋᐦ ᑖᐱᐧᑳᑦ᙮
ᐧᐧᐃᔮᐱᓂᔨᒡᐦ ᐧᐋᒑᐧᐃᒃ ᐋᐦᓈᑎᐧᑳᑦ᙮ ᓃᔨ ᓂᐧᐄᐅᔑᓐ ᐊᓂᒌ ᐧᐋᐳᔓᒡ᙮
ᐧᐋᑖᑯᔑᐦᒡᐦ ᑳ ᒌᔑᒦᒋᓱᔮᐦᒡᐦ ᑳ ᒌ ᐊᐱᐧᐃᒡ ᒫᓐ ᐊᓂᑎᐦᐅᐦᒋᑯᓂᐦᒡ ᐋᐦ ᑎᐹᒋᒧᔥᑎᐧᐃᑦ᙮
ᐊᓐ ᒫᒃ ᑳ ᑭᐧᐃᔑᒧᔮᓐᐦ,ᓈᐹᔮᓐᐦ ᒫᒃ ᑳ ᒌ ᐳᐧᐋᑎᒫᓐ ᑖᓐ ᒑ ᐃᔨᐦᑎᔮᐦᒡ ᐧᐋᐱᐦᒑ᙮
ᓈᔥᑖᐧᐹᐦ ᓂᓵᒋᐦᐋᐤ ᓅᐦᑯᒻ, ᐧᐄᔨ ᐧᐋᔅ ᒫᐅᒡ ᒥᐧᔮᔨᐦᑖᑯᓯᐤ ᐋᔥᐱᔖᒡ ᐆ ᐊᔅᒌ᙮