ᓈᐹᔑᔥ ᑳ ᒋᔅᒋᓂᐧᐋᐱᐦᑎᐦᒃ
ᐄᔨᔨᐅᐃᔨᐦᑎᐧᐃᓂᔨᐤ
(John Ross Remebers)
Written by
Linda Vistor
Reading & Sound editing by:
Mary Shashaweskum
Text edited by:
Luci Salt and
Linda Visitor
ᐹᔨᐧᑳᐤ ᓅᐦᒋᒦᐦᒡ ᐋᐦ ᒌᐦ
ᐃᐦᑖᔮᐦᒡ, ᐋᐦ ᑎᐧᑳᒋᐦᒡ,
ᐧᐄᔖᑯᐲᓯᒻ ᓂᒌᐦ ᑯᓯᔅᐱᐦᔮᓈᓐ᙮
ᐊᓐ ᒫᒃ ᐊᓂᑖᐦ ᑳᐦ ᐃᐦᑖᔮᐦᒡ
ᓈᔥᑖᐹᐦ ᒌᐦ ᒥᐧᔮᔨᐦᑎᒻ ᑳ
ᓈᐅᐱᐳᐧᓈᓯᑦ ᓂᐧᐹᔨᒥᔥ ᐧᒑᓐ ᐧᕌᔅ ᐋᐦ ᒋᔅᒋᓂᐧᐋᐱᒫᑦ ᓈᐹᐤᐦ
ᐋᑏᔨᐦᑎᔨᒡᐦ᙮
ᐹᔨᐧᑳᐤ ᐋᐦ ᒌᔑᑳᒡ ᑳ
ᐄᑖᔨᐦᑎᒫᓐ ᒑ ᐧᐄᒑᐅᒋᐦᒡ ᐋᐦ
ᓈᑎᐧᑳᐅᒋᐦᒡ᙮ ᐅᑎᓵᒻᐦ ᑭᔨᐹ ᑳ ᐅᑎᓈᑦ ᑭᔮᐦ ᐅᓃᒨᑖᓂᔥ ᑳ
ᐧᐄᐦ ᑎᐦᑯᓂᐦᒃ᙮
ᑳ ᐄᑖᔨᐦᑎᒫᓐ ᐅᑖᐹᓈᔅᒄᐦ ᒫ ᓂᑭ ᑎᐦᑯᓈᔨᐤᐦ, ᐧᑳᐧᔖᓐ ᐃᔮᔅᑯᓰᒑ ᒑ ᐅᑖᐹᑎᒃ᙮
ᓂᒌᐦ ᓈᐅᐦᑖᓈᓐ ᑳ ᒋᔅᑐᐦᑖᔮᐦᒡ, ᓃᔥᑖᐤ ᓗᐧᐄᔅ ᑭᔮᐦ ᐊᓐ ᑯᑎᒃ ᓂᑯᓯᔅ ᓖ ᓂᒌᐦ ᐧᐄᒑᐧᐋᓈᓂᒡ᙮
ᑳ ᐧᐄᐦ ᐅᑖᐹᑎᒃ ᐊᓐ ᓂᐧᐹᔨᒥᔥ, ᐊᐧᑳᑳ ᑖᐧᐹᐦᑎᐧᐃᑦ, ᑖᐹ ᓂᑭ ᐃᔮᔅᑯᓯᓐ, ᓂᑭ ᐱᒧᐦᑖᓐ ᐋᑯᔥ, ᓂᑎᑎᒄ᙮
ᒑᒃ ᑭᔨᐹ ᐧᐋᑎᐦᑎᒫᐦᒡ ᐊᓂᐦᐄ ᓂᐧᑳᓐᐦ᙮ ᐊᓐ ᒫᒃ ᓃᔥᑎᒻ ᑳ ᓈᑎᐧᑳᔮᐦᒡ, ᐊᐧᑳᑎᐧᑳᐤ, ᓈᔥᒡ ᐋᐦ ᔒᐅᑖᔮᓐ, ᑖᐹ ᓅᐦᒋ ᒦᒋᓱᓐ ᒑᒋᔖᑉ᙮
ᐊᐧᑳᔑᑦ ᐊᓐ ᓂᐧᐹᔨᒥᔥ ᐧᒑᓐ ᐧᕌᔅ, ᓈᑳ, ᓈᓂᑐᓂᒑᐦ ᒫ ᓂᓃᒨᑖᓂᔥ᙮ ᓂᔮᓂᑐᓂᒑᐧᐃᒡ ᑭᔨᐹ ᐊᓂᔮ ᐅᓃᒨᑖᓂᔥ᙮
ᒑᐧᑳᔨᐤ ᐅᔮ ᑳ ᐲᐦᒋᔥᑎᓂᔨᒡ ᐋᐦ ᒌᐦ ᐧᐄᔅᐧᑳᔮᒋᓂᒥᑯᐱᓈ ᒑᐧᑳᔨᐤ᙮ ᐊᐧᐋᔨᐤᐦ ᐅᔮᐦ ᐋᐃᐦᑯᓈᐤᐦ᙮
ᒦᓐ ᑭᔨᐹ ᒑᔅᑐᐦᑖᔮᒡ᙮ ᐊᓐ ᒫᒃ ᐋᑎ ᐱᒧᐦᑖᔮᐦᒡ, ᐧᐃᔮᐱᓂᐦᒃ ᒑᐧᑳᔨᐤ ᐋᐦ ᐊᐱᔖᔑᔨᒡ ᐊᓂᑖᐦ ᑰᓂᐦᒡ ᐊᓐ ᓂᐧᐹᔨᒥᔥ᙮
ᑳ ᐅᑎᓂᐧᒫᑦ ᐊᓐ ᓃᔥᑖᐤ, ᐊᐧᑳᑎᑯᑦ, ᐧᐄᓈᐤ ᐧᐋᔅ ᐊᓐ᙮ ᒑᐧᑳᔨᐤ ᐅᔮ ᑳ ᒥᔥᑭᐧᐋᔨᒡ ᒥᑯᔖᒌᔑᑭᓂᓰᐅᑏᓯᔨᐤ, ᓈᔥᒡ ᐋᐦ ᐊᑯᐱᑎᒧᔨᒡ ᒑᐧᑳᔨᐤ᙮
ᐊᐧᑳᑎᒃ, ᒦᓐ ᐋ ᐃᐦᑎᑯᓐᐦ ᓰᐅᑏᔅᐦ᙮ ᓂᔮᓂᑐᓂᒑᑦ ᐅᐧᐹᑭᑎᒻ᙮
ᒑᐧᑳᔨᐤᐦ ᐅᔮᐦ ᓰᐅᑏᔅᐦ᙮ ᒥᓯᐧᐋ ᓂᐹᒋ ᒥᔨᑯᓈᓐ ᐹᐦᐹᔨᒄ ᓰᐅᑏᔅᐦ᙮
ᒦᓐ ᑳᐦ ᐊᑎ ᓈᑎᐧᑳᔮᐦᒡ ᐊᓂᐦᐄ ᒥᓯᐧᐋ ᓂᐧᑳᓐᐦ᙮ ᓈᐧᑳᓱᔨᒡᐦ ᒫᓐ ᐧᐋᐳᔥᐦ ᑳᐦ ᐲᐦᑎᐦᐅᒥᒡᐦ ᐊᓂᑎᐦ ᐅᓃᒨᑖᓂᔑᐦᒡ᙮
ᔖᔥ ᒌᐦ ᐅᑖᑯᔑᐤ ᑳ ᒌᐧᐋᔮᐦᒡ᙮ ᓂᒧᐃ ᒫᒃ ᐊᔮᐱᒡ ᓅᐦᒋ ᐅᑖᐹᑖᐤ ᐊᓐ ᓂᐧᐹᔨᒥᔥ, ᐊᐧᑳᐦᒌ ᐅᑎᐦᑎᐦᒃ ᓃᒋᓈᓈᔨᐤ ᐋᐦ ᒋᑭᓵᒫᑦ᙮